Ἡ ὑπὸ Θεόδώρου Γαζῆς γεγραμμένη παράφρασις τῆς τοῦ Ὁμήρου Ἰλιάδος

Ἡ τοῦ Ὁμήρου Ἰλιὰς κάλλιστόν τε καὶ ἐνδοξότατον ἔργον ἐστίν. Διὰ τούτου πολλαὶ δὴ αἱ τῆς Ἰλιάδος ἐκδόσεις. Αὑται δὲ αἱ ἐκδόσεις διαφέρουσιν τῶν ἄλλων ἔχουσαι τὴν τοῦ Θεοδώρου Γαζῆς παράφρασιν. Ὁ γὰρ Θεόδωρος Γαζῆς ἐβίωσε ἐν τῷ δεκάτῳ καὶ πέμπτῳ ἀιῶνι μετά Χριστόν, σοφὸς καὶ γραμματικὸς ὤν.  Μεταξὺ δὲ τῶν τοῦ Θεοδώρου γραφῶν, οὐκ ὀλίγα ἑρμηνεύματα ἐκ τῆς Ἑλληνικῆς εἰς τὴν Ῥωμαϊκὴν ὑπάρχει. Ἐγράψε δὲ ὁ Θεόδωρος Γαζῆς καὶ παράφρασίν τινα τῆς Ἰλιάδος ἐν τῇ Ἀττικῇ διαλέκτῳ.  Οἱ μὲν  τὴν τοῦ Ὁμήρου διάλεκτον εἰδότες δύνανται οὖν τὴν Ἀττικὴν μανθάνειν· οἱ δὲ τῆς Ἀττικῆς ἔμπειροι μαθόντων τὴν τοῦ Ὁμήρου γλῶτταν. Εἵλετε οὖν ἢ τὴν μέσην ἔκδοσιν ἢ τὴν μεγάλην.

 Ὁ Ὅμηρος

Ὁ Θεόδωρος Γαζῆς

  

Τὸ πρῶτον καὶ τὸ δεύτερον μέρος τῆς μέσης ἐκδόσεως

  
 Τὸ πρῶτον καὶ τὸ δεύτερον μέρος τῆς μεγάλης ἐκδόσεως

Πολλαὶ ἠχωγραφαὶ παρὰ Ἀρίφρονος

Νεωστὶ εὕρηκα, ὦ φίλοι ἀναγνῶσται, ὅτι πολλαὶ ἠχωγραφαί εἰσιν ὑπὸ τοῦ  Ἀρίφρονος ποιηθεῖσαι. Οὐ μὲν οἶδα τὸ ἀληθινὸν  τοῦ Ἀρίφρονος ὄνομα, λέγω δὲ τούτον τὸν ἀνδρά. Ὁ δὲ Ἀρίφρων χρᾶται τῇ Ἀττικῇ προφορᾷ. Ἀκούσατε οὖν τὰ ἔργα αὐτοῦ ἵνα εἰωθότες γένοισθε  ἐκείνῃ τῇ μουσικῇ προφορᾷ.

Ἀρίφρων  ἦν τοῦ  ὀστρακισθέντος Ξανθίππου πατήρ

 Ὁ δὲ Ξάνθιππος  ἦν τοῦ Περικλέους πατήρ.
Ὁ δὲ Περικλῆς ἀδελφὸν  Ἀρίφρων ὀνόματι εἶχε. 

Ἀρίφρων ὁ  τῆς Σικυῶνος ποιητὴς ἦν.
Ἔγραψε γὰρ ὕμνον τὴν Ὑγιείαν θεὸν ἐπαινοῦντα.

Ἠχωγραφαὶ τῆς τοῦ Ἰακώβου ἐπιστολῆς

Πάπυρος τὴν τοῦ Ἰακούβου ἐπιστολὴν ἔχουσα 

Ὁ Στέφανος, ἔμπειρος τῆς ζώσης Ἐλληνικῆς γλώττης ὤν, νεωστὶ ἔδωκεν ἧμιν καλὴν ἀνάγνωσιν τῆς τοῦ Ἰακούβου ἐπιστολῆς. Ἀκούσατε οὖν, ὦ φίλοι, τὰς ἠχωγραφὰς ἅς ὁ Στέφανος  οὕτως ῥᾳδίως  ἀναγιγνώσκει ὥσπερ ἂν ἐν τῇ Βρεταννικῇ ὦσιν. Διατί, ἠρώτησα τὸν Στέφανον, τὴν τοῦ Ἰακώβου ἐπιστολήν ἤρξω φωνῇ μεγάλῃ ἀναγιγνώσκειν; Ἴσως ὅτι  νῦν τέκνον Ἰάκωβος ὀνόματι ἐχεις; Ἀποκρινάμενος εἶπεν ὁ Στέφανος· πανύ γε, ἄλλ' ἀεὶ φιλῶ ταύτην τὴν ἐπιστολήν. Χάριν τοιγαροῦν ἔχωμεν τῷ Στεφάνῳ, προσδοκῶντες πολλὰς ἄλλας ἐχωγραφὰς  παρὰ αὐτοῦ.

Ὁ Ἀλέξανδρος· τὸ Ἑλληνικὸν παίδιον

Καινὸν βίβλον ἐπιγραφῇ Ὁ Ἀλέξανδρος· τὸ Ἑλληνικὸν παίδιον ἐδώθη ἐν τῇ  Ἱσπανίᾳ. Τοῦτο  μὲν τὸ βιβλίον ἐκ τοῦ   ὑπὸ τοῦ Ρουσε γεγραμμένου τὴν ἱστορίαν λαμβάνει, ἔχει δὲ ὑπομνήματά τε καὶ εἰκόνας τὰ τῶν λόγων σημεῖα δεικνύσας ὡς τὸ Ἰταλικὸν ἐπιγραφῇ Ἀθήναζε βιβλίον ἔχει. Ἡ μὲν τοῦ βιβλίου εἰσαγωγὴ ἐν τῇ Ἱσπανικῇ γέγραπται, ὅλον  δὲ τὸ λοιπὸν  ἐν τῇ Ἑλληνικῇ ἐστιν.Ἐὰν δέ τις τὸ βιβλίον ἀγοράσῃ, καὶ ἠχωγραφὰς ἕξει. Ἔστι καὶ βιβλίον τὰς ἀσκήσεις ἔχον. Ἐπαινῶ οὖν τὸν Μάριον Δίαζ Ἀυίλλα ὡς ὠφέλιμον καὶ καλὸν ἔργον ποιήσαντα.

Ἡ Ἑλληνικὴ φωνὴ κατὰ τὸν Ρουσε.

W.H.D. Rouse

Ὥσπερ ἐπεποιήκει δοὺς τοὺς τοῦ Λουκιανοῦ διαλόγους, τοὺς  ὑπομνήματα  τοῦ Ρουσε ἔχοντας, οὕτως καὶ τῇ δευτέρᾳ ἡμέρᾳ ὁ Ἰωὴλ  ἔδωκε ἡμῖν θυαμάσιόν τι τοῦ Ρουσε · ποικίλας  ἐκείνου τοῦ διδασκάλου ἠχωγραφὰς τὴν τῆς Ἑλληνικῆς  φωνῆς προφορὰν δεικνύσας. Ὁ γὰρ μὲν Ιωὴλ ἤδη τὸ πρῶτον τῶν ἠχωγραφῶν μέρος ἐδεδώκει, τὸ τῶν γραμμάτων φωνὴν ἔχον, νεωστὶ δὲ εὗρεν ἐν τῇ Βρεταννικῇ βιβλιοθήκῃ  τὸ δεύτερον, ὅπου ὁ Ρουσε ἀναγιγνώσκει τινὰ τοῦ Δημοσθένους καὶ τοῦ Σοφοκλοῦς καὶ τοῦ Ὁμήρου καὶ τοῦ Πινδάρου. Χάριν οῦν ἔχομέν σοι, ὦ Ἰωήλ, διὰ ταύτην θαυμαστὴν εὕρεσιν.


Ὁ Ἰωήλ

Περὶ ποικίλων Ῥωμαϊκῶν τε καὶ Ἑλληνικῶν τῆς ὁμιλίας ῥητρῶν ἐνχειρίδιον

$5.00

Ὡς ἐν τῇ εἰσαγωγῇ γέγραφε, Φρανμοράριος ὁ Βενεζευλανός, περὶ τῆς Ῥωμαϊκῆς τε καὶ τῆς Ἑλληνικῆς σοφὸς ὤν, ἀπὸ φίλου τινός σου ἀποδεξάμενος βιβλίον τι τὰς τῆς ἐν ἐκείναις ταῖς γλώτταις ὁμιλίας ῥήτρας ἔχον, ἀφῆκε δωρεὰν αὐτὸ πᾶσι τοῖς ἀνθρώποις. Τοῦτο γὰρ τὸ ἐγχειρίδιον πολὺ χρήσιμόν ἐστι τῷ τε λαλεῖν καὶ τῷ φράφειν.  Διὰ δὲ τοῦτο ἔδοξέ μοί γε ἔκδοσιν τοῦ βιβλίου παπυρικὴν ποιῆσαι, ὅπως ῥᾴδιον οἱ πολλοὶ αὐτῷ χρῶνται. Τὸ δὲ βιβλίον μόνον πέντε δολλαρίων πωλοῦται.

Λάβετε ὧδε τὸ ἀρχεῖον 

Μέλλοντα ἐν τούτῳ τῷ τόπῳ

Ἐν ταύταις ταῖς ἡμέραις σπουδάζω διορθῶν δύο χρήσιμα βιβλία· τὸ μὲν ἡ τῶν γλωττῶν θύρα ἀνεῳγμένη, ὃ ὁ Φίλιππος ὁ βέλτιστος μαθητὴς  μετέγραψε · τὸ δὲ οἱ οἰκεῖοι διάλογοι τοῦ Ποσσελίου, οὕς ἡ διδάσκαλος Διάνη Ἰωαννίδης παρεσκεύασε. Τελεύσας δὲ ταῦτα τὰ ἔργα, τοῦ Θεοῦ βοηθοῦντος, ποιήσω ἠχωγραφὰς τῶν διαλόγων.  Ἔπειτα θέλω μεγάλῃ φωνῇ τοὺς κατεστερίσμους  ἀναγιγνώσκειν. Προσδοκᾶτε οὔν, παρακαλῶ ὑμᾶς.

Ἰωάννης ὁ Ποσσέλιος ὁ υἱός. 

Τὰ Ἑρμηνεύματα

Τὰ Ἑρμηνεύματα εἰσιν τέσσαρες διάλοιγοι καὶ Ῥωμαϊστὶ καὶ Ἑλληνιστὶ γεγραμμένοι ὐπὸ διδασκάλου τινὸς ἐν τῷ τρίτῳ αἰῶνι μετὰ τὴν Χριστοῦ γενετήν. Τινὲς δὲ ἐνόμιζον ἁμαρτάνοντες ὅτι ὁ Δωσίθεος ὁ γραμματικὸς ἔγραψεν αὐτά. Οἱ δὲ διάλογοι χρήσιμοί εἰσιν τοῖς μὲν μαθηταῖς τὰ γλώττα μανθάνουσιν, τοῖς δὲ σοφοῖς τὸν  τῶν πάλαι ἀνθρώπων  βίον ἐπιζητοῦσιν. Ἀνέγνων δὲ φωνῇ μεγάλῃ τὰ Ἑρμηνεύματα ἠχωγραφὰς ποιήσας ἵνα καὶ χρησιμώτερα εἶεν τοῖς μαθηταῖς. Καὶ εὔχομαι κινούμενα μετὰ εἰκόνων ὑπό τινος ποιηθήσεσθαι, ἵνα ἡ τῶν λόγων σημείωσις  φανερὴ ᾖ. Τίς οὖν ποιήσει τοῦτο;



 Πάντα τὰ ἀρχεῖα   HTTPS Torrent 

ἥλιος ἀνέτειλεν

Τετελεύτηκα τὴν ἀνάγνωσιν ῥᾳδίαν τε καὶ ἐπιτηδείαν ἐκ τῆς τοῦ Ξενοφῶντος Ἀναβάσεως

Θάλαττα, θάλαττα, βοῶσιν οἱ Ἕλληνες.

Πολλοὶ μαθηταὶ ἐν πάσῃ τῇ οἰκουμένῃ μανθάνουσιν τὴν Ἑλληνικὴν ἀναγιγνώσκοντες τὴν τοῦ Ξενοφῶντος Ἀνάβασιν.  Αὕτη μὲν ἡ βίβλος ῥᾳδίων ἐστὶ τοῖς νέοις μαθηταῖς ἢ  ἄλλαι γραφαὶ ἐν τῇ Ἀττικῇ διαλέκτῳ γεγραμμέναι, χαλεπωτέρα δὲ ὥστε τὸ μὴ τὴν ἠχωγραφὴν αὐτῆς συνιέναι. Διὰ τοῦτο ἄμεινόν ἐστι τοῖς ἀρχομένοις γε ἀκούειν τὴν ἀνάγνωσιν ῥᾳδίαν τε καὶ ἐπιτηδείαν, ἣν ἐνταῦθα εὑρήσεσθε. Τοῦτο γὰρ τὸ βίβλιον Βρεταννικοὶ διδάσκαλοι μὲν συνέλεξαν, ἐγὼ δὲ φωνῇ μεγάλῃ αὐτὸ ἀναγνοὺς, τὰς ἠχωγραφὰς ἐποίησα. Πᾶσαι δὲ αἱ ἠχωγραφαὶ καρτεροῦσιν διὰ τεττάρων ὡρῶν καὶ τεττάρων καὶ τριάκοντα λεπτῶν. Ἐλπίζω οὖν ὑμᾶς χρήσεσθαι αὐταῖς.   Εὰν δὲ σφάλματα εὑρίσκητε, παρακαλῶ γρωρίζειν με.


  Πάντα τὰ ἀρχεῖα  HTTPS Torrent 

Ὁ αὐτόμορφος τρόπος

Ἰάκωβος τοῦ Δονάλδου

Ἰωάννης Οἰρβεργ

Ἰάκωβος τοῦ Δονάλδου, φιλόσοφος καὶ θεόλογος καὶ διδάσκαλος ὤν, πολλάκις γράφει περὶ τοῦ τὴν Ἑλληνικὴν διδάσκειν. Ὁ γὰρ Ἰάκωβος φιλεῖ τὸν αὐτόμορφον τρόπον τοῦ πάσας τὰς γλώττας μανθάνειν. Ὁ δὲ ἐνδοξότατος διδάσκαλος ταύτης τῆς μεθόδου ἦν Ἰωάννης  Ὀιρβεργ, ὁ τὰς  βίβλους τὰς ὀνόματι ἡ Ῥωμαϊκὴ γλώσσα τε καὶ ὁ Ῥωμαῖος οἶκος οὔσας  γράψας. Ὁ δὴ μὲν Ἰάκωβος ἤρξατο μεθερμηνεύειν ταύτας τὰς βίβλους εἰς τὴν Ἑλληνικήν, οὐ δὲ ἐξουσίαν ἔχει τοῦ τό ἔργον ἐπιτελεῖν. Οἱ γὰρ νόμοι οὐκ ἐπιτρέπουσιν αὐτῷ. Διὰ τούτου ὁ Ἰάκωβος ἐμετάφρασεν ἤδη δύο κεφάλαια ἄλλου  δωρεάν  βιβλίου τινὸς κατὰ τὸν αὐτὸν τρόπον ὄντος. Εὐχομαι δέ γε τὸν Ἰάκωβον γράψοντα ὅλον τὸ βιβλίον . Ἀγαθῇ τύχῃ.

Ἡ τῶν γλωττῶν θύρα ἀνεῳγμένη

Ἰωάννης Ἀμὼς Κομένιος (͵ΑΦʹϞʹΒʹ - ͵ΑΧʹΟʹ)

Ὁ Κομένιος, ὁ ἔνδοξος Μοραβικὸς διδάσκαλος, πολλά τε καὶ καλὰ ἔγραψεν ἵνα οἱ μαθηταὶ  τὴν Ῥωμαϊκὴν μανθάνοιεν ὡς ζώσας γλώσσαν. Μεταξὺ δὲ τούτων ἔργων, Θεόδωρος Σίμων Ὅλσατος   τὴν βίβλον, τὴν ὀνόματι ἡ τῶν γλωττῶν θύρα ἀνεῳγμένη, εἰς τὴν Ἑλληνικὴν μετέφρασεν. Τύποι μέν τινες τῆς μεταφράσεως ταύτης ἐν τῷ διαδικτύῳ πάρεισιν, πάντες δὲ παλαιοὶ ὄντες τε καὶ τὰ δύσκολα τοῖς νῦν ἀνθρώποις συμπλέγματα ἔχοντες. Ἕνεκα δὲ παραδείγματος, σύμπλεγμά ἐστι τὸ γράφειν στ ὡς Ϛ. Νῦν δὲ μεγίστην χάριν ἔχωμεν τῷ Φιλίππῳ, τῷ μεταγράψαντι τὴν βίβλον ἐς τοῦτο τὸ ἀρχεῖον. Χρὴ μὴν πάντας τοὺς φιλέλληνας ἐπαινεῖν τὸν Φίλιππον ὑπὲρ τούτου τοῦ ἔργου. Ὅπου ἂν δὲ σφάλμα τι  εὑρίσκητε, ὑπόμνημα γράφετε. 

Οἱ ἐπιτήδειοι τοῦ Λουκιανοῦ τοῦ Σαμοσατέως διάλογοι

Λουκιανὸς ὁ Σαμοσατεύς

Εὐχαριστῶ δὴ τῷ Ἰωὴλ τῷ  χρήσιμον βιβλίον τί μοι δείξαντι. Ἤδη γὰρ ᾔδειν τοὺς τοῦ Λουκιανοῦ  τοῦ Σαμοσατέως διαλόγους ἀπὸ τοῦ Ῥουσε τοῦ ἀρίστου διδασκάλου ἐπιτήδειους πεποιημένους. Ὁ γὰρ Ῥουσε πολλὰ καὶ καλὰ ἔγραψεν ἵνα τὴν τε Ἑλληνικὴν καὶ τὴν Ῥωμαϊκὴν διδάσκοι ὡς ζώσας γλώσσας. Ῥᾳδίως μὲν οἱ ἐπιτήδειοι  τοῦ Λουκιανοῦ διάλογοι εὑρίσκονται, τὰ δὲ Ἑλληνικὰ ὑπομνήματα οὔ. Διὰ τούτου ἐπαινῶ τὸν Ἰωήν, ὅς οὐ μόνον εὗρε τὰ Ἑλληνικὰ ὑπομνηματα, ἀλλὰ καὶ πᾶσιν τοῖς φιλέλλησιν ἔδωκε· κῦδός σοι, ὦ Ἰωήλ. Νῦν δὲ καὶ ἄλλον βιβλὶον χρή  με ἀναγιγνώσκειν. Μὴ οὖν ἀργὸς  ἴσθι, ὦ Βεδεῦρε.  

Ὁ Ἰωήλ



W.H.D. Rouse

Λεξικὸν χρήσιμόν τι

Ἐν τῷδε τῷ λεξικῷ ἐισιν οἱ τῶν Ἑλληνικῶν ποιητῶν λόγοι μεθερμηνευθέντες εἰς τὴν Ῥωμαϊκήν τε καὶ εἰς τὴν Βρεταννικήν. Εὑρήσεσθε δὲ ἐνθα καὶ τὴν τῶ συλλαβῶν ποσήτην, τοῦτ'ἔστι πότερον συλλαβή τις βραχεῖά ἐστιν ἢ μακρά. Ἡ δὲ τιμὴ ταύτης τῆς βίβλου ἐστὶ μόνον τρία καὶ δέκα δολλάρια.

$13

Περὶ τῶν λεξικῶν τοὺς νέους τε καὶ οἰκείους λόγους ἐχόντων

Χαίρετε, ὦ  φίλοι. Γέγραφα μὲν τήνδε τὴν γραφὴν πρὸ πολλῶν μηνῶν, οὔπω δὲ εὕρεκα λεξικὸν ὡς τὸ τῆς Σιγρίδεως Ἄλβερτ.

Πολλὰ μὲν λεξικὰ τοὺς νέους τε καὶ  οἰκείους λόγους ἔχοντα ἐν τῷ διαδικτύῳ πάρεστιν, ἅτινα δὲ ὠφέλιμα νομίζω. Ὁ δὲ  Ἰωάννης Κοδερχ ἔχει τόδε τὸ λεξικὸν ἐν τῷ καλῷ τόπῳ αὔτου, ὅπου τὰ νέα Ἑλληνιστὶ γεγραμμένα ἀναγιγνώσκομεν. Ὁ δὲ Ἀνδρέας Οὐίλσον τόδε τὸ λεξικὸν ἐποίησε τὸ βιβλίον τὸ ὀνόματι Ἄρειος Ποτήρ ἑλληνίσας. Ἔπειτα ὁ Λεωνίδας τοῦ Σωρένος ἔχει τόδε τὸ Ἀττικὸν λεξικὸν ἐν τῷ τόπῳ αὐτοῦ.Τέλος δὲ εὗρον τόδε τὸ λεξικὸν ὑπὸ τοῦ Ἰωάννου Βλάκι γεγραμμένου. Ἔστι δὲ καὶ ἄλλα μείω λεξικά. Ταύτα μὲν τὰ λεξικὰ καλά ἐστιν, οὐ δὲ ἀρκοῦντα. Βούλομαι γὰρ εὑρίσκειν τοιοῦτο λεξικὸν ὑπὲρ τῆς Ἑλληνικῆς γλώσσης ὥσπερ τό Imaginum Vocabularium Latinum ὑπὲρ τῆς Ῥωμαϊκῆς τὸ ἐκ Σιγρίδεως Ἄλβερτ ἐκδοθέν.
Τοῦτο γὰρ τὸ λεξικὸν τρία μέρη ἔχει. Ἐν δὲ τῷ  πρότῳ, αἱ εἰκόνες δεικνύασιν ὅ ἂν οἱ λόγοι σημαίνωσιν. Ἐν δὲ τῷ δευτέρῳ, ἕκαστος τῶν Ἑλληνικῶν λόγων ἐν πέντε ἄλλας γλώττας μεταγέγραπται.Ἐν δὲ τῷ τρίτῳ μέρει, οἱ λογοὶ ἐν τοῖς ἄλλαις γλώσσαις μετὰ τοῦ τῆς τὴν εἰκόνα ἐχούσης σελίδος ἀριθμοῦ εὑρίσκονται.

Διὰ τί οὐκ ἔστιν τοιοῦτο τὸ λεξικὸν ἐν τῇ Ἑλληνικῇ; Ἆρα δυνάμεθα μεταγφάφειν τὸ τῆς Σιγρίδεως Ἄλβερτ βιβλίον εἰς τὴν Ἑλληνικήν, ἐάν ἀρέσκῃ αὐτῇ; Τί λέγετε ὑμεῖς, ὦ ἄνθρωποι;

Ἠχωγραφαὶ ἐκ τῆς λήθης σεσωσμέναι

Ὁ τῆς λήθης ποταμός 

Ὡς χρηστὸν τὸ τοῦ διαδικτύου ἀρχεῖον. Ἐκεῖ γὰρ πᾶσαι αἱ τοῦ διαδικτύου σελίδες ἐκ τῆς λήθης σῳζονται ὑπὲρ τῶν μελλουσῶν γενεῶν. Αὕται δὲ ἠχωγραφαὶ ἀπὸ Χριστιανοῦ Στεννερ, Γερμανικοῦ τὸ γένος, ἐποιήθησαν. Ὁ δὲ ἄνθρωπος ἀνέγνω τὰς  ἐν ταύτῃ τῇ βίβλῷ ἀναγνώσεις, χρώμενος  τῇ Γερμανικῇ προφορᾷ.  Δοκεῖ δέ μοί γε καλὸν τὸ τὰς διαφερούσας προφορὰς ἀκούειν. Ἀπολαύετε ἄρα τούτων τῶν ἠχωγραφῶν.

Οἱ τοῦ Ἀστερικίου μῦθοι

Περὶ δὲ τῶν Ἀστερικίου μύθων ἤδη ἔγραψα ἐν τῇ Σχολῇ·

Βούλομαι δὲ ὑμῖν δεικνύναι βιβλία τινὰ εἰς τὴν Ἀττικὴν μεταγραφέντα· τοὺς τοῦ Ἀστερικίου τοῦ Γαλάτου μύθους νεφελωτούς. Ἔστι δὲ τέσσαρα βιβλία·

Ἀστερίκιος καὶ Κλεοπάτρα

          Ἀστερίκιος ἐν Ὀλυμπίᾳ
          Μεταξὺ ῥόδου καὶ ξίφους
          Ἀστερίκιος παρὰ Σακχαραζάδι

Ἔγωγε ἐνταῦθα δὲ ἠγόρασα ἀυτά.

Διότι δέ τινα τῶν βιβλίων οὐκέτι εὑρίσκονται, ζητεῖτε οὖν αὐτὰ διὰ τούτου τοῦ τόπου·

Ἀστερίκιος καὶ Κλεοπάτρα  ISBN13: 978-960-321-175-4

Ἀστερίκιος ἐν Ὀλυμπίᾳ  ISBN 13: 978-960-220-266-1

Μεταξὺ ῥόδου καὶ ξίφους  ISBN 13: 978-960-321-036-8

Ἀστερίκιος παρὰ Σακχαραζάδι  ISBN 13: 978-960-321-449-6

Δεῖ δὲ ὑμᾶς τὴν χώραν ὑμῶν γωρίζειν ἵνα ἡ ἀκριβὴς τιμὴ φαίνηται. 

Οἱ Ἑλληνικοὶ ἀριθμοί

Παλαιοί	Bυζάντιοι	Καινοί	Ἀραβικοί
	α	Αʹ	1
	β	Βʹ	2
	Γ	Γʹ	3
	Δ	Δʹ	4
	ε	Εʹ	5
	& &	Ϛʹ ΣΤʹ	6
	ζ	Ζʹ	7
	η	Ηʹ	8
	θ	Θʹ	9

Παλαιοί	Bυζάντιοι	Καινοί	Ἀραβικοί
	ι	Ιʹ	10
	κ	Κʹ	20
	λ	Λʹ	30
	μ	Μʹ	40
	ν	Νʹ	50
	ξ	Ξʹ	60
	ο	Οʹ	70
	π	Πʹ	80
	& &	Ϟʹ	90

Παλαιοί	Bυζάντιοι	Καινοί	Ἀραβικοί
	ρ	Ρʹ	100
	σ	Σʹ	200
	τ	Τʹ	300
	υ	Υʹ	400
	φ	Φʹ	500
	χ	Χʹ	600
	ψ	Ψʹ	700
	ω	Ωʹ	800
& &	& & &	Ϡʹ	900

Παλαιοί	Bυζάντιοι	Καινοί	Ἀραβικοί
&	͵α	͵Α	1000
	͵β	͵Β	2000
	͵	͵Γ	3000
	͵	͵Δ	4000
	͵ε	͵Ε	5000
	͵ & ͵ ͵ & ͵	͵Ϛ	6000
	͵ζ	͵Z	7000
	͵η	͵H	8000
	͵θ	͵Θ	9000

Δεῖ δὲ ὑμᾶς προστιθέναι τοὺς ἀριθμοὺς, ἵνα γράφητε ὅ τι ἄν θέλητε. Παραδείγαμτος δὲ ἕνεκα γράφω  τὸ παρὸν ἔτος·  ͵ΒΙʹΔʹ